📆 الأسبوع التاني من تشرين الأول 2025
✍️ إعداد: خمگين علو – MYF Academy
⸻
الذهب هالفترة عم يكمّل طريقه الصاعد بقوة، ووصل لهالأسبوع لمستويات جديدة حوالي 3989 – 4050 دولار، يعني تقريباً قريب من حاجز نفسي مهم الكل عم يراقبه
الارتفاع كان قوي وسريع، وبيّن بوضوح إنو المشترين بعدها مسيطرين تماماً على السوق
لكن منلاحظ إنو السعر بعد ما لمس منطقة 4050 صار في رفض خفيف وبلشت شموع تصحيح صغيرة، وهاد الشي طبيعي بعد موجة صعود متواصلة متل اللي شفناها
حالياً الذهب عم ياخد “نَفَس” قبل ما يقرر إذا بدو يكسر القمة ويكمل لفوق أو يعمل تصحيح أعمق شوي
⸻
من الناحية الفنية
السعر حالياً فوق كل مناطق الطلب القديمة، وأي هبوط هلأ يعتبر تصحيح ضمن ترند صاعد
في دعم قوي حوالين 3850 – 3900 دولار، وممكن السوق يلمسها قبل ما يرجع يصعد
(خصوصي Stochastic RSI) المؤشرات
فرجتنا تشبّع شرائي قوي فوق الـ80، وهاد بيأكد إنو في احتمال صغير لهبوط تصحيحي مؤقت
⸻
🔸 الأخبار المهمة لهالأسبوع
هالأسبوع مليان بيانات اقتصادية ممكن تحرك الذهب بشكل واضح، خصوصي من أمريكا
الثلاثاء: في حديث لرئيس الفيدرالي الأمريكي (باول)، وهاد الحدث حساس جداً
إذا لمح لرفع الفايدة → ممكن نشوف هبوط مؤقت بالذهب
أما إذا كان متحفّظ أو أشار لتخفيف السياسة النقدية → الذهب ممكن ينفجر لفوق
يلي بتقيس التضخم (PPI) الأربعاء: صدور بيانات أسعار المنتجين
ارتفاع الأرقام يعني احتمال تشديد السياسة النقدية → ضغط عالذهب
انخفاض الأرقام ممكن يدعم صعوده
(NFP) الجمعة: أهم يوم بهالأسبوع – بيانات الوظايف الأمريكية
وغالباً بتعمل حركة قوية على الذهب سواء لفوق أو لتحت حسب النتايج
⸻
الخلاصة
الاتجاه العام صاعد وبقوة
بس السوق هلأ بمرحلة “راحة مؤقتة” بعد صعود كبير
طالما السعر فوق 3400 – 3500 فكل نزول يعتبر تصحيح صحي، مو انعكاس
الهدف القريب للسوق بيضل حوالين 4000 – 4050، وإذا تم الاختراق، الهدف التالي ممكن يكون 4200 دولار
⸻
كلمة أخيرة
الذهب ما زال الملاذ الآمن الأقوى، وكل تصحيح حالياً ممكن يكون فرصة شراء ذكية ضمن الترند الطويل
تابعوا نشراتنا اليومية لتحديث التحليل وتوضيح ردّة فعل السوق بعد الأخبار
التعليقات ()