الأسبوع الرابع من تشرين الأول 2025📆
MYF Academy – إعداد: خمگين علو
⸻
الذهب اليوم عم يتحرك بحذر بعد الارتفاعات القوية يلي صارت بالأيام الماضية
السعر حالياً حوالي 4250 دولار للأونصة بعد ما لمس مستويات 4380 ورفضها بشمعة قوية
وهالمنطقة تعتبر مقاومة مهمة، ومن الطبيعي نشوف بعدها تصحيح خفيف أو حركة جانبية قبل أي محاولة جديدة للصعود
من الناحية الفنية، في عندنا دعم أول حوالين 4150 – 4100
ولو السعر نزل لهون ممكن نشوف ارتداد حلو خصوصاً إذا ما إجت أخبار سلبية من أمريكا
بس في حال كسر هالمنطقة فالدعم الأهم يلي تحت بيكون حوالي 3980 – 4000
وهاد المستوى حالياً هو المفتاح يلي بيحدد إذا الاتجاه الصاعد رح يكمل أو لا
المؤشرات الفنية
( Stochastic خصوصاً الـ ) عم تبين إنو السوق شوي متعب من كتر الطلعات
يعني ممكن نشوف شمعة هبوط يومين تلاتة، وبعدها إذا رجع المشترين بقوة ممكن يرجع السعر يجرب القمة من جديد
أما من ناحية الأخبار، الأسبوع فيه شوية توتر
يوم الخميس في بيانات البطالة الأمريكية
(PCE) ويوم الجمعة 24 تشرين الأول في مؤشر الإنفاق الشخصي
يلي بيقيس التضخم الحقيقي يلي بيتابعه الفيدرالي
هدول الخبرين فيهم يحرّكوا الذهب بقوة، خصوصاً إذا بين إن التضخم بعدها مرتفع أو في تباطؤ بالاقتصاد الأمريكي
يعني باختصار
الذهب حالياً عم يلتقط أنفاسو بعد طلعة مجنونة
والحركة الحالية تصحيح طبيعي ضمن الاتجاه الصاعد العام
💰 وأي نزول ضمن نطاق 4100 – 4000 ممكن يكون فرصة شراء ممتازة
التعليقات ()