الأسبوع الأول من آب 2025
MYF Academy إعداد: خمگين علو
⸻
بهالفترة، الذهب رجع يورجينا حركة قوية وارتد من منطقة دعم مهمّة حوالين 3268 دولار، وسكّر الأسبوع على صعود بسيط بنسبة +0.77% عند 3362.89 دولار. هالصعود رغم إنه مو قوي كتير، بس عطانا إشارة إنو المشترين لسا موجودين، وعم يحاولوا يرجعوا السيطرة
إذا منطلع على الشارت، منلاحظ إنو الذهب ما زال محصور ضمن نطاق عرض
(Premium Zone) بين 3300 – 3450
يلي هي منطقة بيع قوية صار فيها ضغط بأكتر من مرة. حالياً، السعر واقف تقريباً بنص هالمنطقة، ولسّا ما قدر يخترقها للأعلى
من جهة الزخم، منلاحظ من مؤشر الستوكاستك إنو الزخم بلّش يطلع شوي من مناطق التشبّع البيعي، وهاد ممكن يكون تلميح إنو في نية للارتفاع الجاي، بس حالياً مافي تأكيد قوي
ببساطة، الوضع حالياً هو نوع من التوازن بين الشرا والبيع، والذهب عم يحاول يثبت حاله فوق 3300. إذا قدر يضل فوق هالمستوى وشفنا شمعة أسبوعية قوية، ممكن يكمل صعوده ويستهدف القمة حوالين 3450. أما إذا رجع ضغط البيع من فوق، فممكن نشوفه بيرجع يختبر 3250 أو حتى ينزل شوي لتحت
⸻
النظرة العامة
الذهب حالياً بحالة تريّث، يعني لا في تأكيد طلوع ولا في انهيار. كلشي متعلق بردّة فعل السعر بهالمنطقة العرضية
المتابعة بهالأسبوع ضرورية – وأي إشارة اختراق لفوق لازم ننتبه إلها
للمزيد من التحليلات والتعلّم المجاني، زوروا صفحة الأكاديمية
التعليقات ()