تحليل هيمنة البيتكوين – فريم أسبوعي🔶

📆 الأسبوع الأول من آب 2025

MYF Academy إعداد: خمگين علو ✍

⸻

بهالفترة عم نلاحظ رجعة قوية لهيمنة البيتكوين على السوق، بعد ما ارتدت من منطقة دعم حوالين 60% وطلعت بنسبة +2.02% تقريباً، وسكرت الشمعة الأسبوعية عند %62.27

من خلال الشارت، فينا نشوف بوضوح إنو السعر كان نازل بقوة خلال الأسابيع الماضية، وكسر مناطق طلب فرعية، ووصل لمنطقة دعم مهمّة رجّع فيها المشترين ليدفعوا الهيمنة لفوق. هاد الارتداد ما كان بسيط، وبيورجينا إنو في محاولات حقيقية لاسترجاع السيطرة من قبل البيتكوين على حساب باقي العملات البديلة (Altcoins)

المنطقة يلي بين 64% - 66% حالياً عم تشكل مقاومة مهمّة، وعم نلاحظ من الشموع السابقة إنو بمجرد ما السعر يوصل لهون، بيبلش يصير ضغط بيعي

فهاد المستوى هو المفتاح للفترة الجاية

من ناحية الزخم، الستوكاستك حالياً طالع من منطقة تشبّع بيعي، وهاد ممكن يكون إشارة إيجابية، خصوصاً إذا استمر السعر فوق 62% للأسبوع الجاي

⸻

السيناريو المتوقع

إذا استمرت الهيمنة بالصعود وشفنا اختراق واضح لمستوى 64%، فهاد ممكن يؤدي لانخفاض عام بأسعار العملات البديلة، لأن السيولة رح ترجع تتركها وتتوجه للبيتكوين

أما إذا فشل السعر باختراق 64% ورجع ضغط البيع، فممكن نرجع نشوف نزول تدريجي باتجاه 60%، أو حتى زيارة لمنطقة الـ %57.7

(POC) يلي هي منطقة جذب قوية

⸻

شو لازم ننتبه عليه؟

العملات البديلة حالياً بوضع حساس، وأي حركة قوية بهيمنة البيتكوين رح تنعكس عليها بشكل مباشر

إذا كنت متداول عملات بديلة، تابع هيمنة

عن قرب هالفترة BTC.D

للمزيد من التحليلات والدورات التعليمية، زوروا صفحتنا