「洗唔洗幫你影相？」
呢句說話，我今日講咗一次，又聽返一次。
一次我講，一次人哋同我講。
今日嚟到石澳嘅 #情人橋
見到一對情侶企喺度，好似想影相，但擺位又有啲尷尬，
好似好易將部手機掉落海
我行過去：「洗唔洗幫你影相？」
之後我行完 #大頭洲頂
等情人橋冇人時，拎住相機影相，
有個法國人行過，佢望一望我，再望一望條橋
用英文問我："Do you want me to take a photo for you?"
我呆咗一秒——
因為同一日，同一條橋，同一句說話
只係由中文變成英文
由我幫人，變成有人幫我
嚇咗一跳之後，我笑住話好啊
雖然佢唔識用我部相機，頭七次都係空拍
但佢好認真咁試完又試，第八次終於成功了
我哋仲 give me five，一齊笑咗出嚟！
走嘅時候諗返
可能善意真係有輪迴
你隨手送出嘅一個舉動
唔知幾時，會用另一種方式返返嚟
今日嘅石澳
海天一色，仲有一個涼亭
啱晒放空成個下晝
如果你都嚟 #石澳
不妨喺情人橋停低一陣
或者都會遇到——幫人影相，同被人幫嘅溫暖
📍地點詳情
🚌 交通：筲箕灣A出口，搭9號巴士到總站
📸 打卡點：情人橋（藍橋）、石澳泳灘、彩色小屋、涼亭海景位
💡 貼士：下晝光線最靚，涼亭好適合放空抖抖
💬 你哋點睇？
‧有冇試過喺旅行入面
‧遇到陌生人幫手，或者幫咗陌生人？
‧留言分享你嘅「善意瞬間」👇
#石澳一日遊 #情人橋 #香港攝影好去處 #石澳打卡 #善意是有輪迴
.
.
.
Comments ()