Dasht me pyas bujhate hue mar jaate hain
Ham parinde kahin jate hue mar jate hain
Ham hain sookhe hue talaab pe baithe hue hans
Jo ta'lluq ko nibhate hue mar jate hain
Ghar pahonchta hai koi aur hamare jaisa
Ham tere shehr se jate hue mar jate hain
Kis tarah log chale jate hain uth kar chup chap
Ham to ye dhyan me laate hue mar jate hn
Unke b qatl ka ilzam hmare sar hai
Jo hame zehr pilate hue mar jate hain
Ye mohabbat ki kahani nahin marti lekin
Log kirdar nibhate hue mar jate hain
Ham hain wo tooti hui kashtiyon wale tabish!
Jo kinaron ko milate hue mar jate hain
Dasht me pyas bujhate hue mar jaate hain
Ham parinde kahin jate hue mar jate hain..!
- Abbas Tabish
Comments ()