Arber Books

Çfarë kuptimi ka jeta dhe si jetohet ajo në maksimum?

Ka vetëm një mënyrë: Përfshihu në vetë thjeshtësinë e saj. Jeta po na dhuron çdo gjë thjesht fare duke nisur prej vetë proçesit të saj fillim-fund, natyrës, kafshëve apo gjallesave të ndryshme apo fenomeneve natyrore. Po ne njerëzit çfarë bëjmë këtu me njëri-tjetrin? Ne po krijojmë etiketa! Etiketa?! Çfarë janë këto? Ashtu si e shikoj unë, etiketat janë arsyeja pse ne jemi këtu. Shpjegimin dhe mënyrën e përdorimit të tyre e gjeni përgjatë librit.

Pse duhet ta lexosh këtë libër?

Për të zbuluar kuptimin e vërtetë të jetës.
Për të gjetur ‘shpëtimin’ tënd nëse po kalon një situatë të vështirë në jetë.
Për tu dhënë zgjidhje traumave të femijërisë njëherë dhe përgjithmonë.
Do mësosh si të kontrollosh mendjen me një teknikë të vetme.
Si arrijmë të përzgjedhim jetën që duam me anë të fokusit
Si ti japësh kuptim jetës tënde tani.
5 Hapa që mund të ndjekësh për të vepruar konkretisht.

Çfarë do arrini pasi ta lexoni?

Pasi të keni lexuar librin do të jeni të aftë të keni një kuptueshmëri të lartë rreth jetës dhe realitetit të saj. Do arrini të jetoni më shumë prezent në të tashmen dhe do zgjidhni ‘ngecjet’ tuaja me traumat e mëparshme. Nga ky libër gjithashtu do ndjesh thjeshtësinë dhe ritmin e ngadaltë të jetës me disa hapa se si të jetojmë më pas në të. Pasi të lexoni librin ju do te keni mundësinë për ta parë jetën si një mrekulli për tu shijuar dhe jo një problem për tu zgjidhur.

Rreth Autorit

Unë nuk po ta them emrin, por po prezantohem me eksperiencat e mia deri më tani. Si eksperienca deri më tani unë kam pasur disa trauma fëmijërie si të gjitha ato të zakonshmet, më pas humba sepse nuk dija çfarë tëbëja në jetën time dhe nuk mendoja se zgjedhja e një dege universiteti do ta zgjidhte këtë gjë, megjithatë e zgjodha dhe e mbarova një dreq universiteti sa për të thënë që ‘jam i shkolluar’, më pas kam hasur vështirësi të përshtatem në punë 9-5 për shkak të një lloj egoje mendore-shpirtërore ku gjatë saj e mbaja veten për të zgjuar mendërisht dhe shpirtërisht. Kjo më futi në disa gropa siç janë depresioni, ankthi, stresi, frika, distancimi, shkëputja prej identitetit, krizat e ekzistencës apo lufta e përditshme për të mos u tunduar prej anës sime të errët.

Të gjitha këto nuk krahasohen fare me përjetimin që kam pasur kur kuptova që këto nuk ekzistojnë praktikisht por do të shkojmë aty pak më vonë te libri. Për momentin mund t’ju them që nëse ti je kuptimi, atëherë ti i ke dhënë kuptim depresionit, ankthit apo frikës. Ti po ua jep ose, po ta formuloj ndryshe që të të zgjojë pak më shumë, ato po marrin prej teje. Pse? Sepse prej teje fillon dhe mbaron gjithçka! Këtë e kuptova vonë por kur e kuptova arrita të bëja ndryshimin e vërtetë dhe prej këtij ndryshimi nis dhe jeta e thjeshtë. Ah sa komplikim duhet të kalojë jeta për të thjeshtësuar gjithçka.