Откако ќе ја купите фотосесијата, најавете се во вашиот профил за да го изберете точниот термин (час) кој ви одговара. На овој начин, ќе го осигурате вашето место за фотосесијата.

✨ Ви оставам видео туторијал со детално објаснување за процесот на плаќање и регистрација, за лесна и брза резервација! 🎄📸 За било какви прашања, слободно контактирајте ме. ❤️

Бидејќи бројот на термини е ограничен, не е возможно презакажување. Ве молиме да го одберете терминот внимателно за да се осигураме дека ќе се видиме навреме. Презакажувањето е возможно само поради надворешни фактори, како што се неповолни временски услови (на пример, врнежите). Во ваков случај ќе бидете информирани кога ќе се презакаже терминот.

Доколку не успеете да се појавите на закажаниот термин, не е предвидено враќање на парите. Затоа, ве молиме да го почитувате времето на резервација и да бидете таму навреме.

Фотосесијата трае 20 минути и вклучува 20-30 професионално обработени фотографии, кои ќе ви бидат доставени во приватна онлајн галерија. Во пакетот се вклучени само дигитални фотографии, а не и печатени.

Верувам дека секоја фотографија треба да биде внимателно изработена и полна со емоција, па затоа мојот фокус е на квалитетот наместо на квантитетот. Никогаш не испорачувам неедитирани фотографии, бидејќи за мене едитирањето е исто толку важно колку и моментот на фотографирање. Се внесувам со љубов и посветеност во секој дел од процесот за да се осигурам дека она што ќе го добиете е најдоброто. Моја цел е вашите спомени да бидат претставени на најубав и најпрофесионален начин, како нешто што ќе ве радува секогаш кога ќе ги погледнете.

Фотографиите ќе бидат обработени и достапни во рок од 5-7 дена по завршувањето на фотосесијата. Истите ќе бидат испратени на вашиот профил кој се креира со плаќањето.

Апсолутно! Вашето милениче е дел од семејството и е добредојдено на фотосесијата.

Доколку сакате да резервирате повеќе од еден термин за да добиете дополнително време и повеќе фотографии, потребно е да креирате поединечен профил за секој термин и да направите посебна уплата и резервација за секој профил.

Ако повеќе термини се резервираат од еден ист профил, резервациите нема да бидат валидни.

Новогодишната фотосесија ќе се одржи на отворено, во природен амбиент опкружен со зелени елки. Локацијата е во централното градско подрачје на Скопје, во парк каде што нема голема гужва, за да овозможиме приватност и удобност при фотографирањето. Важно е да се напомене дека ова не е Градскиот парк, но е лесно достапна локација во централното подрачје. По купувањето на фотосесијата, ќе добиете пристап до календарот за резервации, каде што ќе биде наведена точната локација на фотографирањето.

Цената на фотосесијата се однесува на целото семејство, без разлика дали имате едно или повеќе деца. Мојата цел е да создадам спомени за сите членови на вашето семејство, па затоа цената вклучува групни фотографии од целото семејство, поединечни фотографии на мајката и таткото со децата, како и индивидуални портрети на дечињата.

Без оглед на бројот на дечиња, секој член на вашето семејство е важен за мене, и сакам да се осигурам дека секој од нив ќе биде претставен на најубав начин. Сите фотографии ќе бидат внимателно обработени и испорачани со истата посветеност и љубов, така што нема дополнителни трошоци доколку имате повеќе деца. Всушност, колку повеќе дечиња, толку повеќе насмевки, забава и моменти за фотографирање! 🥰✨ Сите членови на вашето семејство се добредојдени, а моја задача е да го доловам секој момент на радост и љубов што го делите заедно. 🎉

Фотосесијата е за вашето семејство како целина и е наменета да го долови моментот на љубовта, поврзаноста и радоста што ја делите. 😊