Naqraw l-Ewwel Kliem

Sett attivitajiet interattivi bil-Malti biex it-tfal jitgħallmu jaqraw l-ewwel kliem bi struttura KVK jew KVKK bl'aħħar konsonanti doppja. Is-sett jinkludi 100 kelma, fejn 40 minnhom għandhom ukoll stampa abbinata magħhom.

L-attivitajiet għandhom tema sajfija - l-Ġelat. Waqt li jaqraw il-kliem, it-tfal jistgħu jibnu ġelat bi kliem bl-istess ittra fin-nofs, kliem li jirrima, jew kliem li jispiċċa bl'istess ittra.

Hemm ukoll eżerċizzju fejn it-tfal jagħżlu l-kelma t-tajba li taqbel mal-istampa, eżerċizzji fejn it-tfal ipinġu ġelat skond l-istruzzjonijiet mgħotija fuq il-paġna, u anke eżerċizzju li jżid l-għarfien ta' kif tispelli l-kliem.

Idejali għal tfal ta' bejn l-4 u s-6 snin, li jafu l-ħoss ta' kull ittra tal-alfabett Malti, u bdew il-vjaġġ tagħhom fil-qari.