Arcanum Bellum: De Gloria et Excidio l William Ubagan l eBook PDF File l Esoteric Novel

Ang nobelang ito, Arcanum Bellum: De Gloria et Excidio — sa salin ay Ang Lihim na Digmaan: Tungkol sa Kaluwalhatian at Pagkagunaw — ay isinilang mula sa mga hiwaga ng paniniwala, alamat, espiritwal na karanasan, at mga sinasaliksik na kaalamang lumalampas sa pisikal na mundo. Isinalaysay ito hindi lamang upang magbigay-aliw, kundi upang magmulat, magturo, at magsiwalat ng mga aral mula sa kadiliman at liwanag.

Ang mga tauhan dito ay kathang-isip, ngunit ang mga digmaan nilang hinarap — panloob man o panlabas — ay salamin ng ating pang-araw-araw na pakikibaka. Sinasadya ang istilong maka-Biblia, sapagkat ang bawat kabanata ay isinulat na parang banal na kasulatan — puno ng simbolismo, oracion, at esoterikong karunungan — upang bigyang diin na ang digmaan sa pagitan ng kabutihan at kasamaan ay isang espiritwal na labanan na patuloy na umiiral sa ating lipunan at sa ating mga sarili.

Hindi ito isang ordinaryong kwento ng kabayanihan. Ito ay isang panawagan:

Sa mga naliligaw ng landas — na bumalik sa Liwanag.

Sa mga bihag ng kasamaan — na magpakalaya sa katotohanan.

At sa mga tagapagtaguyod ng kabutihan — na huwag mapagod sa laban.

Nawa'y sa pagbuklat mo ng mga pahinang ito, madama mo ang bigat ng digmaan, ang init ng pananampalataya, at ang lakas ng pag-asa.