سواق الهوانم

الحجم : 248 ميجا

المدة : 113 دقيقة

من يوم ما طلعت معاش على 55 سنة واخدت مكافأة نهاية الخدمة قررت اجيب بالمكافأة عربية جديدة واشغلها مع اوبر. ما هو انا متعود على الشغل . ومقدرش اقعد كده فى البيت على طول وفى نفس الوقت عايش لوحدى من بعد من مراتى اتوفت من خمس سنين وولادى الاتنين هانى وهيثم كبروا واتخرجوا وكل واحد عايش فى بلد علشان شغلهم . ومش بشوفهم الا كل فترة . وكل اللى بيننا تليفونات او مسجات وخلاص . فعلا جبت العربية واشتغلت مع اوبر كذا شهر بس معجبنيش نظامهم فبقيت اشتغل بمزاجى وبالسعر اللى انا احدده خصوصا ان الناس عرفتنى وبقى ليا زباين والزباين بيجيبوا بعض . يعنى كانوا بيتصلوا عليا ويطلبونى ؟ كنت بروح كل يوم مشوار او اتنين وكفاية . معظمهم كانوا توصيلات للمطار او سفريات قصيرة وكده . بس الاكتر كنت بروح اجيب ناس من المطار واوصلهم لبيوتهم او العكس . يعنى حد مسافر مثلا اوصله وارجع على طول اقضى اليوم بتاعى بمزاجى من غير بهدلة ولا تعب . 

لغاية ما فى يوم لقيت زبونة كانت ركبت معايا قبل كده وخدت الرقم بتاعى بتتصل بيا وبتقولى : مساءالخير يا عم احمد . انا بدايق اوى من الزباين اللى بيقوليلى يا عم دول . لانى مش كبير اوى ومش باين عليا السن اصلا . لانى مهتم بنفسى وشعرى لسه اسود زى ما هوه مفيش الا شعرتين بيض بس بيطلعولى كل شوية وبشيلهم على طول . المهم رديت عليها بس مكنتش فاكرها خالص . فكرتنى بنفسها . افتكرتها . كانت بنت فى العشرينات ركبت معايا مرة رحت جبتها من المطار لما اختها اتصلت بيا وقالت لى على معاد وصولها