Спадар Брэхт і посьпех
Папярэдняя замова па спэцыяльным кошце
Адпраўка папяровага асобніка ў сьнежні 2026
ЛЁГІКА АБСУРДУ
Што адбываецца, калі здаровы сэнс давесьці да абсурду? А калі абсурд раптам аказваецца больш лягічным за рэчаіснасьць?
«Спадар Брэхт і посьпех» — пяцьдзясят кароткіх, дасьціпных і часам жорсткіх гісторый, у якіх звыклы сьвет нечакана перакульваецца з ног на галаву.
Тут побач існуюць філязофія і чорны гумар, чалавечая мудрасьць і неверагоднае глупства, жорсткасьць і наіўнасьць. Кожная гісторыя — маленькая пастка для чытацкага розуму.
Гэта кніга, над якой сьмяесься, пакуль раптам не разумееш, што сьмяесься з рэчаў, якія адбываюцца навокал.
САРДЭЧНА ЗАПРАШАЕМ У «КВАРТАЛ»
«Спадар Брэхт і посьпех» — адна зь дзесяці кніг знакамітага літаратурнага цыклю «Квартал» (O Bairro) партугальскага пісьменьніка Гансалу М. Таварэша.
У гэтым незвычайным квартале суседнічаюць Брэхт, Валеры, Брэтон, Кальвіна, Эліят ды іншыя вялікія імёны сусьветнай культуры. Але гэта не біяграфіі знакамітасьцяў, а самастойны літаратурны сьвет, дзе кожны герой жыве паводле ўласных, часам вельмі дзіўных законаў.
Тут няма нічога лішняга. Некаторыя гісторыі займаюць некалькі старонак, іншыя — усяго некалькі радкоў. І кожная пакідае чытачу прастору для ўласных высноваў.
«Уся гісторыя чалавецтва ў адным “Квартале”…» — так ахарактарызавала гэты літаратурны сьвет нобэлеўская ляўрэатка Сьвятлана Алексіевіч.
ТАВАРЭШ ПА-БЕЛАРУСКУ
Гансалу М. Таварэш — адзін з найбольш вядомых сучасных партугальскіх пісьменьнікаў. Ягоныя кнігі перакладзеныя на дзясяткі моваў і адзначаныя прэстыжнымі міжнароднымі літаратурнымі прэміямі.
Прачытаўшы першую кнігу маладога Таварэша, нобэлеўскі ляўрэат Жузэ Сарамагу заявіў: «Калі я яго сустрэну, я дам яму поўху. Гэта нахабства, так добра пісаць у такім маладым узросьце!»
Пазьней Сарамагу прадказаў Таварэшу Нобэлеўскую прэмію па літаратуры.
Беларуская гісторыя «Кварталу» пачалася зь нечаканай сустрэчы трох чалавек: пісьменьніка, перакладніка і выдаўца. Выпадковае знаёмства перарасло ў супольны літаратурны праект, дзякуючы якому творы Гансалу М. Таварэша ўпершыню загучалі па-беларуску.