رباعيات الغربة والثورة

ع البعد لاح النيل و الهرم .. و صوت النقشبندى
شاى العصارى تحت النخيل.. و حب اليوستفندى
شرقنا ياغاليه و غربنا .. و طيفك لينا قبله و زاد
ما يصح فرضك إلا جماعه .. بشيخ و فلاح ويا الأفندى

نصال على نصال اتكسرت .. و طمت التباريح
موعوده بالبلوى و بالستر .. وعشقك ضريح
قدرك يا محروسه تكونى أسيرة الغفله
الصبر طيب .. و انا على صليبك مسيح

مره واحد بلدينا .. كان ف ورطه .. قام بثورة
قبلى بحرى أو فى مينا ..كان برىء من غير مناوره
على غفله ف المدينه .. طفح لبلاب و جراد و غربا
من ساعتها و تاه أخينا .. دمه سلعه و عقله عوره