Honoring Maung Swan Yi 88 years birthday by Artists, e-book

စာရေးဆရာ မောင်စွမ်းရည် ၈၈ နှစ် ပြည့် အထိမ်းအမှတ် အမှတ်တရစာအုပ်ထုတ်

(မိုးမခ) ဇန်နဝါရီ ၂၄၊ ၂၀၂၄

၂၀၂၄ ဖေဖော်ဝါရီ (၁၇)တွင်ကျရောက်မည့် ဆရာမောင်စွမ်းရည်၏ ၈၈-နှစ်ပြည့်မွေးနေ့အထိမ်းအမှတ်အဖြစ်၊ အဝေးရောက်ကဗျာဆရာများက စီစဥ်ပြီး၊ မိုးမခမီဒီယာက ဂုဏ်ယူစွာထုတ်ဝေပါသည်။ စောလူ၊ မာမာအေး၊ ၊ အောင်ဝေး၊ မေငြိမ်း၊ စောဝေ၊ မောင်ရစ် စသည့် အမေရိကက စာမူရှင်များ၊ မောင်တင်သစ်၊ မောင်ဆောင်းခ၊ နေဘုန်းလတ်၊ နေဇော်နိုင်၊ မောင်လွမ်းဏီ စသည့် လွတ်မြောက်နယ်မြေကစာမူရှင်များ၊ စုစုပေါင်း (၄၄) ဦးပါဝင်ရေးသားထားသည်။ မျက်နှာဖုံးကို ချောအိသိမ်းက ရေးဆွဲပြီး အတွင်းစာစီကို နေရာတကာဂျာနယ်ကနေ ပြုစုပေးပါတယ်။

အဆိုပါစာအုပ်ကို မိုးမခက အမေရိကန်ပြည်တွင်းမှာ ပုံနှိပ်ထုတ်ဝေပြီး ဆရာစွမ်းကို ရောင်းရငွေကန်တော့မှာ ဖြစ်တဲ့အပြင် နွေဦးတော်လှန်ရေး မိုးမခစာနယ်ဇင်းရန်ပုံငွေအတွက် ရည်ရွယ်ပါတယ်။