Ky libër, nisi rrugën e tij nga mendja ime shumë vite më parë. U desh kohë që fjalët të merrnin trajtën dhe kuptimin e duhur për të ardhur ashtu sic ndieja se duhej të vinin. Shumë nga ato që shkrova u zhdukën, për të lënë vetëm këto që ndodhen këtu.

Do të më njohësh thjesht si FISNIKU pasi jeta ime personale nuk ka të bëjë fare me atë Artistike. Jo për tu fshehur, por për të vënë fokusin aty ku duhet

Për redaktimin e këtij libri, nuk di si të falënderoj mjaftueshëm Prof. Edmond Tupja, sepse kjo, është diçka që më bën të ndihem krenar. Të falem nderit Profesor!

Sa për ty, do të doja të kisha mundësinë të t’i jepja të gjitha mesazhet që kam me një kërcitje gishtash, por ky tregim i shkurtër që mban në duar, ishte më e mira që mund të bëja për të t’i përçuar.

Uroj të gjesh e shijosh, të gjitha ndjesitë me të cilat kam veshur fjalët, e të tjera që kam fshehur nëpër rreshta. Për ty i kam lënë aty, ashtu, të gjalla. Shpresoj ta shijosh proçesin e përjetimit sa më gjatë, e mbi të gjitha, të ngacmoj pak atë njeriun tënd të mirë, me një fokus pak të ndryshëm nga ai i përditshmërisë tonë.

Shpresoj të rigjehemi në libra. Do të të pres atje...