Penchada d'un filo

«Las historias que cuentan en los programas televisivos d’os maitins siempre m’heban pareixiu una loquería. Me pensaba que bi heba una fosca cambreta de tres por tres a on que bell guionista fracasau picaba en un viello Pentium reutilizau totz aquells dramas, inventando-ne bell par cada semana. Con una lampa flexo por unica iluminación, un fumarro barato aladiau en la boca y los uellos royos por la zorrera y la falta de  ventilación. U talment fuese un becario. Un recien graduau en filolochía como yo mesma que, pa ganar-se quatre perras, feba refritos d’ixos libros de Alfred Hitchcock y los tres investigadors que leyeba de chiqueta. La verdat ye que ixas historias existen.» Asinas empecipia Penchada d'un filo, una historia que te tendrá en candeletas dende la primer dica la zaguer pachina, seguindo la historia de Tatiana, una choven representant d'o precariau, en la suya ciudat de Zaragoza.