Usiajiri kwa Kubahatisha: Maswali na Zana za Kumtambua Mfanyakazi Sahihi Kabla ya Kusaini Mkataba

Kumwajiri mtu asiye sahihi kunaweza kukugharimu zaidi ya mishahara yake ya miezi saba, kupitia mshahara uliopotea, makosa ya gharama, wateja wanaoondoka na gharama ya kuanza kuajiri upya. Sehemu kubwa ya gharama hii haionekani kama "gharama ya kuajiri". Inaonekana baadaye, hasara ikiwa tayari imeshatokea.

Usiajiri kwa Kubahatisha inakupa mchakato ulio wazi, hatua kwa hatua, wa kumpata mtu sahihi kabla ya kusaini mkataba. Huhitaji idara ya rasilimali watu; unahitaji mbinu na zana zilizomo kwenye mwongozo huu.

Utajifunza nini

· Mitego 7 inayosababisha makosa mengi ya kuajiri, na jinsi ya kuiepuka

· Jinsi ya kujua hasa unamhitaji nani kabla ya kutangaza nafasi

· Jinsi ya kuandika tangazo la kazi la kweli linalowavutia watu sahihi na kuwachuja wasiofaa

· Jinsi ya kuendesha usaili unaofichua jinsi mtu anavyofanya kazi kweli, si jinsi anavyoongea vizuri tu

· Jinsi ya kutumia majaribio mafupi ya vitendo ili uone kazi kabla ya kuilipia

· Jinsi ya kupata majibu ya kweli kutoka kwa wadhamini

· Jinsi ya kutoa ofa, kutumia kipindi cha majaribio ipasavyo na kuwajibu wasiochaguliwa kwa heshima

· Mchakato mfupi wa hatua 5 kwa biashara ndogo, na mpango wa siku 30 wa kuajiri

Unachopata

· Kitabu (PDF, kurasa 83): sura 9 zenye mifano halisi ya Kitanzania

· Zana 14 tayari kutumika, kama mafaili ya Word unayoweza kuhariri: maelezo ya kazi, kadi ya vigezo vya kazi, kiolezo cha tangazo la kazi na mifano 3, fomu ya kuchuja CV, mwongozo wa usaili wa simu, kadi ya alama za usaili, orodha ya dalili za hatari, mwongozo wa majaribio ya vitendo, fomu ya kuwahoji wadhamini, barua ya ofa ya ajira, barua kwa wasiochaguliwa, ratiba na orodha hakiki ya kuajiri, na nyinginezo

· Benki ya maswali 130 ya usaili kwa aina 8 za kazi: mauzo na maduka, ofisi na utawala, uhasibu na fedha, walimu, huduma kwa wateja na ukarimu, mafundi na kazi za ujuzi, madereva na wafanyakazi wa nje ya ofisi, na wasimamizi na mameneja

· Kikokotoo cha Gharama ya Kuajiri Mtu Asiye Sahihi (Excel): jaza takwimu zako nacho kinajikokotoa chenyewe, pamoja na mfano uliokwisha jazwa

Ni kwa ajili ya nani: wamiliki wa biashara ndogo na za kati, wakuu wa shule, mameneja, viongozi wa mashirika yasiyo ya kiserikali (NGOs), maafisa rasilimali watu, na kila anayeajiri watu.

Kitabu shirikishi: ukishampata mtu sahihi, mfanye abaki nawe kwa kutumia Wafanyakazi Bora Hawaondoki Bure: payhip.com/b/nGxgl

Mwandishi: Juma Killaghai, Business Consultant & Writer, Wellbiz Solutions. Mwongozo huu ni ushauri wa vitendo, si ushauri wa kisheria.